विराटनगर, २३ बैशाख ।
विराटनगरलाई स्थायी राजधानी तोक्न माग गर्दै विराटनगर महानगरपालिकामा गएराती रातारात संघर्ष समिति बन्यो । छलफलमा बिराटनगरलाई राजधानी तोकेर संरचना पनि बिराटनगरमा नै हुनु पर्ने माग राख्दै अनिस्चितकालिन आम हड्ताल आब्हान गरिएको छ ।
विराटनगरलाई स्थायी राजधानी बनाउ शान्तिपुर्ण दवाव समितिको पहिलो आन्दोलन नै बिराटनगर बन्दको पक्षमा देखिएको छ । प्राध्यापक डाक्टर भेषप्रसाद धमला संयोजक रहेको र महेश रेग्मी, नागेश कोईराला, मोदराज घिमिरे, राजकुमार यादव र मोहम्मद कादिर सह संयोजक रहेको समितिले बन्दको आब्हान गरेको हो ।
समितिले जारी गरेको बिज्ञप्तीमा बिराटनगरलाई स्थायी राजधानी बनाई सबै संरचना बिराटनगरमा नै हुनु पर्ने उल्लेख गरिएको छ । सर्बदलिय छलफल पछि राती ११ बजे मात्र बिराटनगरलाई नै स्थायी राजधानी तोक्दै संरचना बिराटनगर भित्रै राख्नु पर्ने माग सहित बन्द आब्हान भएको थियो ।
आन्दोलन समितीका संयोजक डा भेषप्रसाद धमलालले बिराटनगरको महत्वलाई नबुझी विराटनगरलाई राजधानी तोकेर संरचना अन्यत्र लैजान खोजिएपछि सबै दलहरुले आन्दोलन गरेको बताए । अनिश्चिनकालिन आम हड्तालको घोषणासँगै बिराटनगरको जनजीवन प्रभाबित बनेको छ । सार्बजनिक यातायतका साधनहरु चल्न सकेका छैनन भने, टंकिसिनवारी देखि बिराटनगरको रानीसम्मको कोशी राजमार्गमा मोटरसाईकल बाहेकका सवारी साधनलाई चल्न दिईएको छैन । 
बन्द गदै हिँड्नेहरुमा नेकपा, नेपाली कांग्रेस, राप्रपा, मधेशवादी दलहरु, राजपा, संघीय समाजवादी फोरम लगायतका दलहरु सहति उद्योगी ब्यापारी पनि छन् । तस्विर साैजन्य, काैशल निराैला
तस्विर : प्रेम देवान
