दाङ । अत्याधिक गर्मी बढेपछि दाङको घोराही उपमहानगरपालिकाभित्रका सामुदायिक विद्यालयको पठनपाठन बन्द गरिने भएको छ ।
उपमहानगरपालिकाअन्तर्गतको शिक्षा समितिले अत्यधिक गर्मीले विद्यार्थीहरु बिरामी पर्न थालेको र विद्यालयमा उपस्थिति पनि न्यून हुँदै गएको भन्दै जेठ १६ गतेदेखि २१ गतेसम्म विद्यालय बन्द गर्ने निर्णय गरेको हो ।
नगर शिक्षा समितिका अध्यक्ष नरुलाल चौधरीले गर्मी बढ्दै जाँदा पढाई प्रभावित भएको सूचना आएपछि बर्षे बिदा कटाउने गरी ५ दिन सरकारी विद्यालय बन्द गर्ने निर्णय भएको जानकारी दिए ।
यसअघि घोराहीका निजी विद्यालयहरुले हिजोदेखि शुक्रबारसम्म गर्मी बिदाइ दिइसकेका छन् ।
