प्रेम देवान
विराटनगर २० साउन । नर्सरीको विरुवा बोकेको पिकअप गाडीले एक बालकलाई ठक्कर दिएको भन्दै विराटनगर १८ मा सडक अवरुद्ध गरी विरोध प्रर्दशन गरेका छन् ।
विराटनगर १८ का हर्सियाल साहका १३ बर्षिय छोरा अभिषेक कुमार साहलाई लावाघाट स्थित आईपी जाने बाटोमा आईतबार बेलुकी पिकअप भ्यानले ठक्कर दिएर गम्भिर घाईते बनाएको थियो । 
यसैविच स्थानियवासीले ठक्कर दिने चालकलाई कडा कारवाहीको माग गर्दै सो सडक खण्ड टायर र ढुङाा राखेर अवरुद्ध पारेका थिए । ठक्करदिने को २ च १९९७ नम्बरको पिकअप भ्यान र विराटनगर १३ का ३४ बर्षिय चालक राजि अन्सारीलाई रानी प्रहरीले नियन्त्रणमा लिएको छ । ठक्कर दिने गाडीले बाटोमा हिडिरहेका बालकलाई पटकपटक ब्याक गरेर घाइते बनाएको घाईते बालककी दिदि विना कुमारी साहले बताईन् । 
घाइते बालक स्थानिय जनता बाल आधारभुत विद्यालयमा कक्षा ५ मा पढ्दै आएका थिए । बालकलाई किच्याएको आरोप लगाउदै पीडितका आफ्न्तले नियतबश मार्न खोज्ने चालकलाई कडा कारवाही गर्नुपर्ने माग राखेर सोमबार दिनभर प्रर्दशन गरे । उनिहरुले आइसिपी जाने बाटोबाट आधा किलोमिटर उत्तरतर्फ सोमबार बिहान ८ बजेदेखि सांझ ४ बजेसम्म सडकमा टायर बालेर धर्नादिंदै सडक अवरुद्ध गरेका थिए ।
सडक अवरुद्ध गरेपछि पुगेको प्रहरी टोली र पीडित पक्षबीच भएको वार्तापछि सांझ ४ बजेपछि सो सडकबाट आवागमन खुलाइएको थियो । घाइते बालकको उपचारमा तत्कालकालागि सबैपक्षले सम्पुर्ण ध्यान केन्द्रीत गर्ने सहमति भएपछि सडकको अवरोध हटेको इलाका प्रहरी कार्यालय रानीका प्रहरी निरीक्षक इन्द्रबहादुर रानाले जानकारी दिनुभयो । घाईते बालकको अवस्था चिन्ताजन रहेको पीडित पक्षले जानकारी दिएका छन् । उनलाई नोबेल अस्पतालको भेन्टिलेटरमा राखेर उपचार भइरहेको छ । 
