सार्क शिखर सम्मेलनमा सहभागी हुने विशिष्ट पाहुनाका लागि भाडा ल्याइएका बुलेटप्रफ गाडीहरु नेपाल भित्रिएका छन् । आइतबार भारतको दिल्लीबाट काठमाडौंका लागि हिडेका ३२ वटा बुलेटप्रुफ गाडी आज बिहान भैरहवा भन्सार कटेर भित्रीएको हो ।
रूपन्देही प्रहरी प्रमुख राजेन्द्र ढकालका अनुसार मसिर्डीज कम्पनीका गाडी धेरै जसो सेतो रंगका छन । गाडीलाई अस्थायी नम्बर प्लेट दिएर राजधानी पठाइएको ढकालले जानकारी दिनुभयो । भारतीय विदेश मन्त्रालयको समन्वयमा निजी क्षेत्रबाट ल्याइएको ३२ बटा गाडीको ११ दिनको प्रयोगबापत १ करोड ३५ लाख भारु ‘भाडाखर्च’ लाग्ने छ । मर्सिडिज बेन्ज तथा बीएमडब्लु गाडीहरु सात दिनसम्म अतिथी प्रयोजनमा प्रयोग गरेपछि पुनः दिल्ली फर्काइनेछ । सार्क राष्ट्रका सरकार प्रमुख र राष्ट्र प्रमुखले प्रयोग गर्ने ६ वटा बुलेट प्रुफ गाडी भने हवाई मार्ग हुदै गत साता नै काठमाडौं आईपुगेका छन् ।
