काठमाडौं । पूर्वयुवराज पारस शाहले त्रिभुवन विमानस्थलमा ड्युटीमा रहेका एक प्रहरीमाथि दुर्व्यवहार गरेका छन् । उनले दुर्व्यवहार गरेको भिडियो सामाजिक सञ्जालमा पनि आएको छ । थाइल्यान्डमा रहेका पूर्वराजा ज्ञानेन्द्र शाहलाई भेट्न जान लागेका कोमल शाहलाई बिदाइ गर्न पुगेका पारसले आफ्ना छोरा र भाञ्जालाई प्रहरीले अपमान गरेको भन्दै प्रहरीमाथि दुर्व्यवहार गरेका थिए ।
पारस शाहले विमानस्थलको सुरक्षामा रहेका असइलाई पारस शाहले धकेलेको भिडियो अहिले सामाजिक सञ्जालमा भाइरल भएको छ । आइतबार दिउँसो २ बजे त्यस्तो भएको बताए । विमानस्थल प्रहरीका डीआईजी सूर्य उपाध्यायका अनुसार आफूहरुले पनि भिडियो फुटेज हेरिरहेको जानकारी दिए ।
भिडियो फुटेजमा पारस शाहले असइको छातिमा धकेलेको स्पष्ट देखिन्छ ।
