विराटनगर, २६ पुस । मोरङको भौडाहा–१ का अक्लु मुडियारीको गोठमा आगलागी हुँदा तीन लाख मूल्य बराबरको धनमाल जलेर नष्ट भएको छ । छिमेकी किरण मुडियारीको गोठमा समेत आगलागी हुँदा गोठमा रहेका १० वटा सुँगुरसमेत जलेर मरेको मोरङ प्रहरीले बताएको छ । आगलागीबाट सोही गोठमा बाँधेको एउटा राँगो घाइते भएको छ ।
त्यस्तै लखन्तरी–५ का खुशीलाल राजवंशीको घरमा आगलागी हुँदा घरभित्र रहेका सम्पूर्ण सामान जली नष्ट हुँदा एक लाख रूपैयाँ बराबरको क्षति भएको प्रहरीले बताएको छ ।
