विद्यार्थीका लागि फलामे ढोकाको रुपमा मानिने एसएलसी (प्रवेशीका ) परीक्षा २०६८ को सम्पूर्ण तयारी पुरा भएको छ ।
आगामी चैत ७ गते देखि संचालन हुने एसएलसीका लागि परीक्षा केन्द्र निर्धारण, प्रश्नपत्र जिल्लामा पु¥याउने र केन्द्राध्यक्ष नियुक्ती गर्ने लगायतका परीक्षा व्यवस्थापनमा आवस्यक सवै काम सम्पन्न गरि सकिएको परीक्षा नियन्त्रण कार्यालय सानोठिमी भक्तपुरले जनाएको छ । यो बर्षको एसएलसी परीक्षा मर्यादित रुपमा सम्पन्न गर्नका लागि केन्द्राध्यक्ष, सुरक्षाकर्मी, अन्य कर्मचारी लगायत गरेर देशभर ५६ हजार जनसक्ति परिचालन गरिने कार्यालयले जनाएको छ ।
देशभरीबाट पाँच लाख २८ हजार दुई सय ५७ जना विद्यार्थी एसएलसी परीक्षामा सहभागि हुने छन् । नियमित तर्फ चार लाख ४६ हजार एक सय ६६ र एक्जाम्टेड तर्फ ८२ हजार ९१ विद्यार्थी परीक्षामा सहभागि हुने छन् । एसएलसी संचालनका लागि देशभरमा एक हजार सात सय ४८ परीक्षा केन्द्र निर्धारण गरिएको छ । परीक्षा केन्द्र निर्धारण गर्दै केन्द्राध्यक्ष नियुक्ती गर्ने काम समेत सकिएको परीक्षा नियन्त्रक डिल्लीराम रिमालले बताए । यो बर्षको एसएलसी परीक्षाका बारेमा जानकारी दिन विराटनगरमा बुधबार परीक्षा नियन्त्रण कार्यालय सानोठिमी र जिल्ला शिक्षा कार्यालय मोरङद्धारा संयुक्त रुपमा आयोजित कार्यक्रममा परीक्षा नियन्त्रक रिमालले प्रश्नपत्र छपाएर प्रत्येक जिल्ला र परीक्षा केन्द्र आसपासका स्थानमा पु¥याउने काम सम्पन्न भई सकेको जानकारी दिए ।
एसएलसी परीक्षामा सहभागि हुने विद्यार्थीले यो बर्ष दोहोरो रजिष्ट्रेसन फारम भरेको समेत पाईएको छ, नियन्त्रक रिमालले भने देशभरीमा दुई हजार पाँच सय विद्यार्थीले दोहोरो फारम भरेको पत्ता लागेको छ । ७७ बर्षे एसएलसी इतिहासमा यति धेरै संख्यामा दोहोरो फारम विद्यार्थीले भरेको पहिलो पटक पाईएको नियन्त्रक रिमालले बताए । विद्यालय, अभिभावक र विद्यार्थीकै लापरवाहीका कारण एक विद्यार्थीले चार ठाउँबाट समेत रजिष्ट्रेसन भरेको पाईयो यो विषयमा छानविन सुरु गरिएको छ उनले भने । परीक्षा नियन्त्रक रिमालले दोहोरो फारम किन भरे भन्ने बारेमा जानकारी नभएको तर दोहोरो फारम भर्ने परीक्षार्थीलाई कारवाही गर्नका लागि अनुसन्धान र छानविन सुरु गरिएको बताए । दोहोरो फारम भरेका सवै विद्यार्थीलाई भने नियम पु¥याएर परीक्षा दिने बातावरण सृजना गर्ने उनले जानकारी दिए । उनका अनुसार कतिपय विद्यार्थीको समेत संकास्पद फारम प्राप्त भएका कारण त्यसका बारेमा पनि परीक्षा नियन्त्रण कार्यालयले छानविन सुरु गरेको छ ।
त्यस्तै मोरङ जिल्लामा यो बर्ष ६२ वटा परीक्षा केन्द्रबाट १८ हजार पाँच सय ८४ विद्यार्थीले एसएलसी परीक्षा दिंदै छन् । जिल्ला शिक्षा कार्यालय मोरङका उपसचिव असोक कालाखोतीका अनुसार परीक्षामा सहभागि विद्यार्थी मध्ये दुई हजार नौ सय ८२ जना एक्जाम्टेड तर्फका छन् । मोरङमा यो बर्ष एक सय ५४ संस्थागत र एक सय ४७ सामुदायिक गरेर तीन सय एक वटा विद्यालयका विद्यार्थीले परीक्षामा सहभागिता जनाउने उपसचिव कालाखेतीले बताए । उनका अनुसार गत बर्षको तुलनामा यो बर्ष १८ वटा नयाँ विद्यालय थपिएका छन् ।
