सशस्त्र डाँका समूहले मोरङको डंग्राहाका सात घरमा लुटपाट गरेको घटनाप्रति प्रहरी गम्भीर नरहेको भन्दै डंग्राहावासीले विराटनगर–इटहरी सडक खण्ड आज बिहान १० बजे देखि केहिबेर अबरुद्ध पारेका छन । डाँकाहरुको समूहले डंग्राहा–३ तिलाठी टोलका सात घर लुट्ने क्रममा प्रतिकार गर्ने स्थानीय मक्कर बुढाथोकी गम्भिर घाइते समेत भएका थिए । उनको टाउकोमा गम्भिर चोट लागेको छ ।
१५–२० जनाको समुहमा आएको सशस्त्र डाकाहरुले राति करिब डेढ बजे गाउँ पसेर घाइते मक्कर बुढाथोकि , हस्तबहादुर कार्की, राम चौधरी, संजिव सरदार र सिरुलाल सरदारको घरबाट नगद र जिन्सी समान लुटेका थिए । डाँकाहरुको समूहले गाउँमै दुईवटा सुतली बम छाडेर भागेका थियो ।
