पत्रकार यादव पौडेलको हत्यामा संलग्न भएको दाबी सहित उनका परिवारले चार जनाको बिरुद्धमा किटानी जाहेरी दर्ता गराएका छन । आइतबार जिल्ला प्रहरी कार्यालय झापामा पौडेलका जेठान छविलाल खतिवडाले परिवारकातर्फबाट दिएको किटानी जाहेरीमा बिर्तामोड बसपार्कस्थित पूर्वाञ्चल सेकुवा कर्नर होटेल एण्ड लजका सञ्चालक सोमनाथ ढकाल र मञ्जु ढकाल, झापा अनारमनी ३ का युवराज गिरी र मदन राइलाई विपक्षी बनाइएको छ । राई बाहेक तीनजना जिल्ला प्रहरी कार्यालयले पक्राउ गरिसकेको छ ।
पक्राउ गरिएका तिन जनालाई थप अनुसन्धानको लागि भन्दै प्रहरीले आइतबार ५ दिनको म्याद थप गरेको छ । म्याद थपपछि सञ्चारकर्मीसँगको कुराकानीमा झापाका प्रहरी उपरिक्षक तारणि लम्सालले ८० प्रतिशत अनुसन्धान सकिएको बताएका छन । उनले प्रहरी अपराधि नजिक पुगेको प्रतिकृया दिए । गत मंगलबार राती हत्या गरिएका पत्रकार पौडेलको शव गत बुधबार बिहान पूर्वाञ्चल सेकुवा कर्नर अगाडि फेला परेको थियो ।
