विवाह भोज मान्न सुनसरी पुगेका गृहमन्त्री विजय कुमार गच्छदारका लागि पान ल्याउन प्रहरीको गाडी बारम्बार पान पसल धाउनु परेको छ । गच्छदार आफ्नो पार्टी मधेशी जनअधिकार फोरम (लोकतान्त्रिक) का केन्द्रिय सचिव चन्देश्वर खत्वेको छोरीको विहे भोज खान सुनसरी बविया गाविस ६ मा पुगेका थिए । उनलाइ भोज पछि पान खान मन लाग्यो अनि प्रहरीलाइ अह्राएर गाडीमा पान ल्याउन लगाए । उनको लागि पान ल्याउनका लागि उनका सहयोगी हेमनारायण चौधरी प्रहरी कै गाडी चढी बारम्बार पान पसल पुगेको आजका स्थानीय पत्रिकाहरुले प्राथमिकताका साथ समाचार छापेका छन् । गच्छदारको सुरक्षार्थ खटीएका प्रहरी निरिक्षक कृष्णकुमार देवले भने "गृहमन्त्रीका लागि पान ल्याउन भने पछि नाँइ भन्न पनि मिलेन" । गच्छदारका लागि प्रहरीको भ्यानले भोजका साथै पार्टीको आन्तरिक छलफलमा हुदाँ समेत पान ल्याएको थियो ।
