विराटनगर, असोज ९
मोरङको बुधनगरबाट मोरङ प्रहरीले कटुवा पेस्तोल सहित एक युवकलाई पक्राउ गरेको छ ।
जिल्ला प्रहरी कार्यालय मोरङबाट खटिएको प्रहरी टोलीले बुधनगर–९ स्थित वाइद मियाँको घरवाट कटुवा पेस्तोल एक थान र त्यसमा लाग्ने गोली दुई राउण्ड बरामद गरेको छ । विषेश सुराकीमा मियाँको घरमा हतियार छ भन्ने सुचना पाएपछि पुगेको प्रहरी टोलीले विहिवार विहान १ वजे छापामारी घर खानतलासी गर्दा बेडको सिराने मुनि लुकाई राखेको अवस्थामा उक्त हतियार बरामद भएको हो । घर मुलि मियाँ घरमा फेला नपरेपछि आवश्यक अनुसन्धानका लागी मोरङ नोचा–५ का १८ वर्षीय अतिपुर रहमानलाई पक्राउ गरेको मोरङ प्रहरीका प्रवक्ता एवं प्रहरी नायव उपरिक्षक प्रभुप्रसाद ढकालले जानकारी दिनुभएको छ ।
