जय नेपाल प्रतिभा प्रोत्साहन प्रष्तिठानले झापाको काँकभिट्टामा एक कार्यक्रमका बीच विभिन्न पुरस्कारबाट ११ जनालाई सम्मान तथा पुरस्कृत गरेको छ ।
समाजमा योगदान पु¥याउने झापाका बरिष्ठ पत्रकार, शिक्षक, किसान, महिला तथा विद्यार्थीलाई एक समारोहका बीच पुरस्कृत गरिएको हो ।
पुरस्कृत हुनेमा द्रोणाचार्य–शेरबहादुर झापा ज्योति पुरस्कारबाट झापाका बरिष्ठ पत्रकार तथा साहित्यकार नकुल काजी, तुलसा–पर्शुराम उत्कृष्ट शिक्षक पुरस्कारबाट झापा भद्रपुरका शिक्षासेवी प्रमोदचन्द्र शर्मा रहनु भएको छ ।
यस्तै देवी–लक्षीमा अग्रणी महिला पुरस्कारबाट समाजसेवी गंगादेवी जोशी, गणेश–नील प्रतिभा पुरस्कारबाट अम्बिका निरौला, मोहन–टेकबहादुर उत्कृष्ट पुरस्कारबाट मेचीनगर–६ का थोप्ले विरान, कृषक समूह र २०७० सालको एसएलसी परीक्षामा उत्कृष्ठ अङ्क ल्याएर पास गर्ने विद्यार्थीहरु सिंहदेवी उमावि खुदुनाबारीका अमित चौहान, हिमाली उमावि दमककी समीक्षा अर्याल, चुलाचुली बोर्डिङ स्कुलकी प्रकृति गौतम र नर्थ पोइन्ट बोर्डिङ स्कुलकी एसिला सुबेदी हुनुहुन्छ ।
पुरस्कृतहरुलाई १० हजार राशिको पुरस्कारसहित सम्मानपत्र र दोसला ओढाएर नेपाल प्रज्ञा प्रतिष्ठानका सदस्य यज्ञराज प्रसाईले सम्मान गर्नुभएको थियो ।
