उदाउँदो सूर्यलाई अघ्र्य दिएर छठ पर्व विविधत् रूपमा आज सम्पन्न भएको छ । हिजो बेलुका अस्ताउँदा सूर्यलाई अर्घ दिएर सुरु भएको छठ आज सम्पन्न भएको हो । उदाउदो सुर्यलाई अर्घ दिएप्छि बर्तालुहरु घर घर फर्किएका छन् ।
तराईका विभिन्न जिल्लाहरूसहित पहाडी जिल्लामा समेत चार दिनसम्म मनाइने छठ पर्वमा चामल र गहुँको पिठो, फलपूmल, विभिन्न खाद्यान्नलगायतका पूजा सामग्रीहरू अस्ताउँदो र उदाउँदो सूर्यलाई अर्घको रूपमा दिइने गरिन्छ ।
छठको पूजा सागम्रीहरू तयार गर्दा चोखो राख्नुपर्ने जनविश्वास छ । छठका सामग्रीहरू चोखो नराखेमा अनिष्ट हुने मान्यता छ ।
विराटनगरको मुख्य स्थान सिँगिया, सुनसरी–मोरङ सिचाई आयोजनाको नहर, केसलिया खोला लगायतका स्थानमा बिहानै भिड लागेको थियो ।
केही वर्षयता पहाडी समुदाय र मुश्लिम समुदायका नेपालीले पनि छठ पर्व मनाउन शुरु गरेपछि यस पर्वको आकर्षण झनै बढ्दै गएको छ । सत्य, अहिंसा, आरोग्य र समृद्धिको रुपमा मनाइने चार दिने छठ पर्व मिथिलाञ्चलसहित नेपालका विभिन्न भागमा धामिर्क विधिपूर्वक मनाउने गरिन्छ । यसैबिच उद्योगमन्त्री महेश बस्नेतले समेत विराटनगर १५ स्थित नहरमा विहान उदाउदो सुर्यलाई अर्घ दिई छठको पुजा गर्नु भएको छ ।
