बिराटनगर,कार्तिक २७ : धनकुटाको भेडेटार ७ राजारानी भेडेटार सडकखण्डमा आज बिहान एक आमाले आफ्नै तीन महिनाकी छोरीलाई गुडिरहेको बसमुनि फालेकी छन । बसको चक्काले किचेर नाबालिकाको घटनास्थलमै मृत्यु भएको छ ।
भेडेटार ६ बस्ने टेकबहादुर मगरको ३५ वर्षिया पत्नी तिलमाया मगरले बिहान तिन महिनाकी छोरीलाई राजारानीबाट धरानतर्फ आउदै गरेको मे १ ख ३९९ नम्बरको बसमुनि फालेकी हुन । बसको पछाडीको चक्काले किचेर नाबालिकाको घटनास्थलमै मृत्यु भएको छ । आमाको केही वर्षदेखि मानसिक सन्तुलन बिग्रिएको स्थानीयले प्रहरीलाई बताए ।
प्रहरी चौकी भेडेटारबाट गएको प्रहरीले तिलमाया मगर र बसका चालक धनकुटा डाँडाबजार ९ बस्ने ४६ वर्षिय हेम बहादुर मगरलाईसमेत नियन्त्रणमा लिई अनुसन्धान भइरहेको छ ।
