जिल्ला विकास समिति इलामले चालु आवमा वर्षाैंअघिको समेत गरी ७७.८३ प्रतिशत बेरुजु फछ्र्योट गरेको छ ।
बेरुजुलाई शून्यमा झार्ने जिविसको लक्ष्यअनुसार विगत दुई दशकभन्दा बढीको जम्मा रु आठ करोड ५७ लाख बेरुजु रहेकामा पौने सात करोड बेरुजु फछ्र्योट गरेको हो ।
जिविसका लेखापाल मदनलहरी आचार्यले बेरुजु रहेका व्यक्ति, कर्मचारी र सङ्घ संस्थालाई भुक्तानीमा कडाइ र वर्षाैंदेखिको बेरुजु फछ्र्योट बिल, भर्पाई माग गरेर ताकेता गरेपछि बेरुजु फछ्र्योट दर बढेको बताउनुभयो ।
आर्थिक वर्ष २०५१÷०५२ देखि आव ०६९÷७० सम्म जिविसमा रु आठ करोड ५७ लाख बेरुजु रहेकामा विगत १० महिनामा रु छ करोड ६७ लाख चार हजार १४४ बेरुजु फछ्र्योट गरिएको हो ।
सबैभन्दा बढी सामाजिक सुरक्षा भत्ताबापतको रु चार करोड ३५ लाख, विभिन्न शीर्षकको पुरानो पेस्की रु ८५ लाख ६२ हजारलगायतका बेरुजु फछ्र्योट गरिएको जिविसले जनाएको छ ।
............
