नामिबियामा हुने आइसिसि बिश्व क्रिकेट लिग डिभिजन–२ मा सहभागि हुन नेपाली टोली आज दक्षिण अफ्रिका जाँदैछ । नेपाली क्रिकेटको ब्रेक थ्रु मानिएको प्रतियोगिताको तयारीका लागि पहिलो चरणमा १३ खेलाडी र प्रशिक्षक पुबुदु दसानायके आज दक्षिण अफ्रिका जादैहुनुन्छ भने अमृत भट्टराईसंगै अन्य अधिकारी भने शुक्रवार मात्रै त्यसतर्फ लाग्ने भएकाछन । नेपालले दक्षिण अफ्रिका बसाईका क्रममा त्यहाको स्थानीय क्लबसंग ३ ओटा अभ्यास म्याच खेल्नेछ । नामिबियामा जनवरी १७ देखि सुरु हुने प्रतियोगितामा नेपालले आयोजक राष्ट्रसहित केन्या, क्यानडा, युगाण्डा र नेदरल्याण्डसंग प्रतिस्पर्धा गर्नेछ । शिर्ष २ टोलीले आइसिसि अन्तर महादेशिय चारदिवसीय कप सहित बिश्व क्रिकेट च्याम्पियनसिपमा भाग लिन पाउनेछ भने शिर्ष ३ टोलीले सन २०१८ मा हुने बिश्वकपको छनौट खेल्न पाउने भएका छन् ।
प्रशिक्षक पुबुदु दसानायकेले पछिल्लो ४ साता निकै राम्रो तयारी गरेकाले सकारत्मक नजिता आउने बताउनुभयो ।
नेपाल क्रिकेट संघ क्यानले राष्ट्रिय टोलीलाई हिजो एक कार्यक्रमका बीच बिदाई गर्दै २२ खेलाडीलाई ४ ओटा ग्रेडमा बिभाजन गरि सेन्ट्रल कन्ट्याक समेत गरेको छ ।
