सिरहा, पुस २७ गते - सिरहाको गोलबजार नगरपालिका–३ जमदहमा बुवाको कुटाइबाट १० वर्षिय बालकको ज्यान गएको छ । शनिबार राती रक्सीले मातेका स्थानीय रामस्वरुप सदायले कान्छा छोरा विजयको टाउकोमा लाठीले हान्दा ज्यान गएको हो ।
टाउकोमा लाठी लागेपछि गम्भीर घाईते भएका विजयलाई उपचारका लागि अस्पताल लैजाँदै गर्दा बाटोमै ज्यान गएको इलाका प्रहरी कार्यालय गोलबजारले जनाएको छ । रक्सी पिएर आएका रामस्वरुपले श्रीमतीसँगको विवादका क्रममा छोराछोरीलाई कुटेका थिए ।
घटना लगत्तै फरार भएका रामस्वरुपको खोजी भैरहेको प्रहरीले बताएको छ ।
Source: Ujyalo
