मोरङ्गको कोशी हरैचा ४ स्थित राजमार्गमा भएको सबारी दुर्घटनामा १ जनाको मृत्यु भएको छ । गएराती ना ४ ख ४०८१ नम्बरको ट्रकले को १८ प ५२९० नम्बरको मोटरसाईकललाई ठक्कर दिदा दुर्घटना भएको हो । दुर्घटनामा मोटरसाईकलमा सबार धनगढी महेन्द्रनगर घर भई कोशी हरैचा ५ वस्दै आएका रमेश पाण्डेको मृत्यु भएको हो । ठक्करपछि गम्भिर घाईते भएका पाण्डेको विपिकोइराला स्वास्थ्य विज्ञान प्रतिष्ठान धरानमा उपचारको क्रममा गएराती मृत्यु भएको प्रहरीले जनाएको छ । ट्रक अस्थायी प्रहरी चौकी बिरटचोकको नियन्त्रणमा रहेको र थप अनुसन्धान कार्य भई रहेको क्षेत्रीइ प्रहरी कार्यालय विराटनगरले जनाएको छ ।
