रौतहटको गौरमा आगो ताप्नेक्रममा जलेर एक वृद्धाको मृत्यु भएको छ । सदरमुकाम गौर ४ मा जलेर ७५ वर्षकी वृद्धा चन्द्रकला देवीको मृत्यु भएको प्रहरीले जनाएको छ । गएराति घर भित्रै आगो ताप्दै गरेकी उनको लुगामा अचानक आगो सल्किएपछि जलेर मृत्यु भएको हो । मृतक वृद्धाको शव पोष्टमार्टमका लागी जिल्ला अस्पताल गौरमा राखिएकोे छ ।
यसैबिच, रौतहटको टेंग्राहाबाथमा १० दिनअघि हराइरहेकी बालिकाको शव फेला परेको छ । स्थानीय गाउँले र प्रहरीले बालिकाको शव उँखु बारीमा स्यालले खाएर क्षतबिक्षत बनाएको अवस्थामा फेला पारेका थिए ।
