मोरङको सुन्दरपुर– ६ मा रहेको हसिना सिमसार क्षेत्र धार्मिक पर्यटन क्षेत्रका रुपमा विकसित हुँदै गइरहेको छ ।
नेपाल पर्यटन बोर्डले १५ लाख, जिल्ला विकास समितिले १६ लाख रकम विनियोजन गरेपछि भौतीक संरचना विस्तारको काम सुरु भएको छ ।
पानी ट्याङ्की, शान्तिका अग्रदूत बुद्धको जन्मेदेखि मृत्युसम्मका विभिन्न अवस्था समेटिएको पूर्वाञ्चलकै ठूलो बुद्धको प्रतिमा र पोखरीमा डुङ्गा सञ्चालन गर्ने तयारी भइरहेको सिमसार संरक्षण समितिका अध्यक्ष घनश्याम न्यौपानेले बताउनुभयो ।
आकर्षक प्रवेशद्वार, विभिन्न कलात्मक शान्तिको प्रतीक परेवाको प्रतिमा, नागपोखरीमा नागको निर्माण भइसकेकाले मन लोभ्याउने गरेको पर्यटक अर्जुन काफ्लेले बताउनुभयो ।
आगामी दिनमा यसलाई पूर्वाञ्चलमै नमुना क्षेत्रका रुपमा विकास गराउन निरन्तर लागिपरेको संरक्षण समितिका सदस्य देवराज मोक्तानले बताउनुभयो । उहाँले केही महिनामै सबै संरचना निर्माण पूरा हुने र आधाभन्दा बढी काम सम्पन्न भइसकेको दाबीसमेत गर्नुभयो ।
बाह्रमास बगिरहने जरुवा पानीको मूलसमेत रहेको सो सिमसार क्षेत्र करिब ५० हेक्टर क्षेत्रफलमा फैलिएको छ । .................
