जिल्ला निर्वाचन कार्यालयले फोटो खिच्न छुटेका मतदाताका लागि इलाममा आजदेखि पुनः फोटोसहितको मतदाता नामावली सङ्कलन तथा अद्यावधिक कार्य सुरु गरेको छ । कार्यालयले आठ जना दर्ता कर्मचारी नियुक्ति गरी विगतमा छुटेका, १८ वर्ष पुगेका, विदेशबाट फर्केका मतदाताका लागि नामावली सङ्कलन सुरु गरेको हो ।
नामावली सङ्कलन कार्य चैत पहिलो सातामा सम्पन्न हुने जिल्ला निर्वाचन अधिकृत प्रेम काफ्लेले जानकारी दिनुभयो । नामावली सङ्कलनका लागि गाविस सचिव र सामाजिक परिचालकमार्फत गाउँमा व्यापक अभियान सुरू गरिएको निर्वाचन कार्यालयले जनाएको छ ।
