आजदेखि काठमाडौंमा सुरु भएको १४ वर्ष मुनिको एएफसी क्षेत्रीय महिला फुटबल प्रतियोगितामा नेपालले सुखद सुरुवात गरेको छ । प्रतियोगिता अन्तर्गत आज त्रिपुरेश्वर स्थित दशरथ रंगशालामा भएको उद्घाटन खेलमा इरानको १४ वर्ष मुनिको टोलीलाई ३–२ ले पराजित गर्दै नेपालले विजयी सुरुवात गरेको हो । नेपालको जितमा खेलको २६ औं मिनेटमा सरु लिम्बु तथा ३२ औं र ४६ औं मिनेटमा रेखा पौडेलले गोल गरिन् ।
आगमी २५ अप्रिल सम्म सञ्चालन हुने प्रतियोगिताको समुह ए मा आयोजक नेपालले इरान, माल्दिभ्स र श्रीलंकाको सामना गर्नेछ । समुह बी मा बंगलादेश, भुटान र भारत रहेका छन् । खेल राउण्डरोविनका आधारमा हुनेछ ।
