रंग हालिएको परबल बेचेको समाचार आवर विराटनगर डट नेटमा समाचार सम्प्रेसन गरेपछि विराटनगर उपमहानगरपालिकाको टोलिले आवर विराटनगरसँग मिलेर विराटनगरको गुदरी बजारमा अनुगमन गरेको छ । अनुगमनको क्रममा गुदरीको ध्यानी सब्जि पसलमा ३ बोरा रंग हालिएको परबल भेटिएको छ । अनुगमनको क्रममा ध्यानी सब्जि पसलका साहु ध्यानदाश पासवान उपस्थित थिएनन् । अनुगमनको बेला पसलमा कुनै पनि कागजपत्र राखिएको भेटिएन ।
अनुगमन पछि परबल जफत गरि २४ घण्टा भित्र आवश्यक कागजपत्र सहित उपस्थित हुने पत्र काटीएको नगरपालिकाका खाद्य प्राविधिक धिरज राईले बताउनु भयो । उहाँले आवर विराटनगरलाई सूचना सम्प्रेषणका लागि धन्यवाद दिदै यसरी जफत गरिएको परबल नष्ट गरिने जनाउनु भयो । साथै नगरपालिकाको सामुदायिक विकास शाखाका प्रमुख हिरालाल यादवले अनुगमन नियमित राखिने बताउनु भयो ।
