२४ बैशाख, ताप्लेजुङ । ताप्लेजुङमा यात्रुबाहक जीप दुर्घटना हुँदा ६ जनाको मृत्यु भएको छ । १२ जना घाइते भएका छन् । जीपमा चालकसहित १८ जना सवार रहेको प्रहरीले जनाएको छ ।
ताप्लेजुङको थेचम्बुबाट सदरमुकाम जाँदै गरेको ग १ ज ५७२८ नम्बरको जीप ताप्लेजुङ नगरपालिका ८ मा दुर्घटना परेको हो ।
मृतको पहिचान हुन बाँकी छ । घााइतेहरुलाई जिल्ला अस्पताल ताप्लेजुङ पुर्याएको छ । गस्तीमा रहेको सशस्त्र प्रहरीको टोलीले दुर्घटनाग्रस्थ जीपका घाइतेहरुलाई तत्काल उद्धार गरी अस्पताल पुर्याएको थियो ।
दुर्घटनाको बारेमा बिरामीलाई सोधपुछ गर्न सक्ने अवस्था नरहेकाले कारण खुल्न नसकेको जिल्ला प्रहरी कार्यालय ताप्लेजुङका असई प्रकाश राजवंशीले बताए ।
