आज बाट शुरु हुने मदन भण्डारी स्मृति अन्तरराष्ट्रिय गोल्डकप फुटबल प्रतियोगिताको चौथो संस्करणमा राष्ट्रिय जागृति क्लब इटहरी सुनसरी र दमक फुटबल क्लब झापाबीच उद्घाटन खेल हुने भएको छ ।
खेलकुद मन्त्री पुरुषौत्तम पौडेलले कार्यक्रमको उद्घाटन गर्ने आयोजक समितिका सदस्य सचिव रुद्रबहादुर तामाङले जानकारी दिएका छन् । मदन भण्डारी स्मृति प्रतिष्ठान नेपाल उर्लाबारी मोरङद्वारा आयोजित प्रतियोगिताका लागि सम्पूर्ण तयारी पूरा भएको पनि तामाङले बताए।
भूकम्प पीडितप्रति श्रद्धाञ्जली अर्पणपछि कार्यक्रम शुरु हुनेछ, जसमा मृतकको सम्झनामा ९ हजार वटा फूल लिएर आई अर्पण गर्न स्थानीयवासीलाई आव्हान गरिएको पनि उनले बताएका छन् ।
