डिकेश लामा,
२८ बैशाख, बेलडाँगी।
भुटानी शरणार्थीहरुले आफ्नो छाक काटेर भए पनि भूकम्प पीडितलाई सहयोग गर्ने तयारी गरेका छन् । शिविर व्यवस्थापन समिति र शिविरका अगुवाहरुको पहलमा शिविरका हरेक छाप्राबाट यथासक्दो सहयोग संकलन कार्य गरिएको छ ।
भुकम्प पिडितहरूलाई राहतका लागि शरणार्थीहरुले वेलडाँगी र शनिश्चरे शिविरबाट २ लाख ५५ हजार ३ सय ९७ रुपैयाँ संकलन गरेको बेलडाँगी शिविर सचिव सन्चहाङ्ग सुब्बाले बताए । संकलित रकमबाट २ सय घर अति पीडितलाई आफ्नै हातले राहत वितरण गर्ने तयारी मिलाएको शिविर व्यवस्थापन समितिले जानकारी दिएको छ ।
