२ जेठ, दमक।
झापाको दमकमा क्रियाशील बिभिन्न राजनीतिक दलका स्थानीय नेताहरुले सामूहिक बंगुरपालन गरेर नौलो व्यवसायीक कृषिमा जुटेका छन् । विगत लामो समयदेखि राष्ट्रिय राजनीति अस्थिर भई एक अर्कामा वेमेल बन्दै गएका बेला यहाँका राजनीतिक दलका नेताहरुले भने व्यवसायीक सहकार्य बनाएर नमुना बंगुरपालनमा लागेका छन् ।
उनीहरुले करिब १ करोड २० लाख रुपैयाँको लगानी गरेर सामूहिक बंगुरपालन शुरु गरेका छन् । दमक-१३ स्थित ठुलो विरानमा १ विगाहा क्षेत्रफलमा उनीहरुले संयुक्त वंगुरपालन गरेका हुन् ।
