४ जेठ, दमक।
गत बैशाख १२ र २९ गतेको भुकम्पका कारण झापाका संस्थागत विद्यालयहरुको त्यति क्षति नपुगेको विद्यालय सञ्चालकहरुले बताएका छन् । दमकको झापापोष्ट दैनिकले आज गरेको अन्तर्क्रियामा संस्थागत विद्यालयका संचालकहरुले सो कुरा बताएका हुन् । कार्यक्रममा संस्थागत विद्यालय संगठन प्याब्सन झापा जिल्ला उपाध्यक्ष श्रवण पोखरेलले हिजोदेखि झापाका संस्थागत विद्यालयहरुमा भुकम्पले पुर्याएको भौतिक क्षतिको अनुगमन गरिरहेको र उक्त अनुगमनका क्रमामा कुनै कुनै विद्यालयको सामान्य क्षति बाहेक ठुलो क्षति भएको नपाइएको उनले बताए। सामान्य क्षति भएका विद्यालयहरुमा पनि प्राबिधिकको सल्लाह बमोजिम मर्मत थालिएकोले अभिभावकहरुलाई नआत्तिन उनले आग्रह गरे।
