बिनु तिम्सिना
मोरङको टंकीसिनवारीमा जारी प्रथम पूर्वाञ्चलस्तरीय टंकीसीनवारी बाँसबारी गोल्डकप फुटबल प्रतियोगिताअन्तर्गत पहिलो सेमिफाइनल खेलमा एलेभन एरोज क्लब दुहबी विजयी हुदै फाइनलमा प्रवेश गरेको छ ।
बाँसबारी युवा केन्द्र टंकीसिनवारीको आयोजनामा टंकीको खेल मैदानमा आज भएको खेलमा पथरी स्पोर्टिङ क्लबलाइ १–० गोल अन्तरले पराजित गर्दै एलेभन एरोज फाइनलमा प्रवेश गरेको हो । खेल सुरु भएको ४२ मिनेटमा एलेभन एरोजका जितेन चौधरीले गरेको पहिलो गोल नै खेलको निर्णायक गोल बन्यो । खेलमा पथरीका सुमन बिकले फल खेलेको भन्दै उनलाइ रेड कार्ड थमाइएको थियो । खेलको म्यान अफ दी म्याच एलेभन एरोजका सृजित कार्की घोषित भए । भोलि हुने दोश्रो सेमिफाइनल खेल राष्ट्रिय जागृति क्लब इटहरी सुनसरी र एपिएफ झापाका क्लबबीच हुनेछ ।
