प्रबिन दाहाल
असार २१ काठमाण्डौ
टी–२० विश्वकप छनोट खेल्न आयरल्याण्ड पुगेको नेपालले आज ओमानसँग अभ्यास खेल खेल्दैछ । नेपाल र ओमानको खेल बेलफास्टको स्टोरमोन्टमा नेपाली समय अनुसार पौने ३ बजेपछि हुनेछ । नेपाल र ओमानले अहिलेसम्म तीन पटक एसीसी टी–२० कपमा भेट भएको छ, जसमा दुई खेल नेपालले जितेको छ भने एकमा हार ब्यहोरेको छ । बिहीबारबाट सुरु हुने प्रतियोगिता अघि हरेक टीमले दुई अभ्यास खेल खेल्नेछन् । नेपालको अर्को अभ्यास खेल भोलि यूएईसँग छ । टी–२० विश्वकप छनोटमा नेपाल समूह एमा परेको छ र आफ्नो पहिलो खेल आगामी शुक्रबार अमेरिकासँग खेल्नेछ ।
