सुरक्षा संवेदनशिलतालाई मध्यनजर गर्दै दंगाग्रस्त क्षेत्र घोषणा गरिएको कैलालीका दुई नगरपालिका र नौ वटा गाविसमा लगाएको अनिश्चितकालीन कर्फ्यु आज चौथो दिन पनि जारी छ । टीकापुर र भजनी त्रिशक्ति नगरपालिका, दुर्गौली, धनसिंहपुर, पथरैया, मुनुवा, जोशीपुर, नारायणपुर, बौनिया र थापापुरमा लगाइएको अनिश्चितलकालीन कर्फ्युलाई स्थानीय प्रशासनले निरन्तरता दिएको हो । दंगाग्रस्त क्षेत्र घोषणा गरिएका सबै गाविसमा सेना परिचालन गरिएको छ । उता, धनगढी नगरपालिकामा आज बिहान ११ बजेदेखि साँझ ६ बजेसम्म लागू हुने गरी फेरी कर्फ्यु आदेश जारी गरिएको बताईएको छ ।
