विराटनगरकाे रानी भन्सार नजिकै प्रहरीले १६ राउण्ड हवाइ फायर गरेकाे छ । मोरङका प्रहरी प्रवक्ता डिएसपी प्रमोद खरेलका अनुसार बिहान पाैने ९ बजे तिर भन्सार नजिकैकाे २ नम्बर ढाटमा रहेकाे प्रहरी बिटलाइ सय डेढ सयकाे संख्यामा रहेका अान्दाेलनकारीले ताेडफाेड गरि ५ प्रहरीहरूलाइ समातेर पेट्राेल छर्की अागाे लगाउन खाेजे पछि हवाइ फायर गर्नु परेकाे हाे । उनले सशस्त्र प्रहरीले एसएलअारबाट १० राउण्ड तथा प्रहरीले सटगनबाट ५ राउण्ड र राइफलबाट १ राउण्ड गरि जम्मा १६ राउण्ड हवाइ फायर गरेकाे बताए ।
खरेलका अनुसार फाइरिङ पछि त्याहाँबाट अान्दाेलनकारीहरू मटेरूवा प्रहरी चाैकी घेर्न पुगेका थिए । त्यहाँ २ इन्सपेक्टरकाे कमाण्डमा २ टाेली पठाए पछि स्थिति सामान्य बनेकाे थियाे । मटेरूवा चाैकी नजिकै अान्दाेलनकारीले मकालु टेलिभिजनका पत्रकार नविन कर्ण चढेकाे काे ८ प २२३९ नम्बरकाे माेटर साइकलमा समेत अागजनी गरेका छन् । अान्दाेलनकारीहरू मटेरूवा चाैकीबाट पनि अहिले बुधनगर चाैकी पुगेकाे उनले बताएका छन् ।
हालसम्म काेहि पनि घाइते भएकाे र पक्राउ परेकाे खबर नअाएकाे खरेलले जानकारी दिए। 'फायर नखाेलेकाे भए ५ प्रहरीलाइ जिउँदै जलाउने थिए ', खरेलले बताए ।
