काठमाडौं, पुस १५ । इङ्लिस प्रिमियर लिग फुटबल प्रतियोगिता अन्तर्गत मंगलबार राति भएको खेलमा लेष्टर सिटी र म्यानचेष्टर सिटीले गोलरहित बराबरी खेलेका छन् ।
लेष्टर सिटीको मैदान किङ पावर स्टेडियममा भएको खेलमा दुबै टोलीले केही राम्रा अवसरहरु सिर्जना गरे पनि गोल गर्न नसक्दा अंक बाँडेका हुन् ।
यो
बराबरीपछि लेष्टर सिटीले तालिकाको शीर्ष स्थानमा रहेको आर्सनललाई भेटेको छ । १९ खेलबाट दुबै टोलीले ३९ अंक जोडे पनि गोलअन्तरका आधारमा आर्सनल शीर्ष स्थानमा छ भने लेष्टर सिटी दोस्रो स्थानमा रहेको छ ।
समान खेलबाट ३६ अंक जोडेको म्यानचेस्टर सिटी अंक तालिकाको तेस्रो स्थानमा उक्लिएको छ । इङ्लिस प्रिमियर लिग फुटबल अन्तर्गत बुधबार राति हुने एक मात्र खेलमा सण्डरल्याण्ड र लिभरपुल भिड्नेछन् ।
