विराटनगर साउन १,
बझाङ सदरमुकाम चैनपुरमा शुक्रबार बेलुका एक्कासि बाढी पस्दा सात पसल बगाएको छ ।बजारनजिकै रहेको बाउली खोलामा आएको बाढीले सातओटा पसल र एउटा झोलुंगेपुल बगाएको जिल्ला प्रहरी कार्यालय बझाङका प्रहरी नायब उपरीक्षक नरेन्द्र चन्दले जानकारी दिए ।
उनले भने–‘बाढीले स्थानीय रामचन्द्र सिंहसँगै अन्य ६ जनाको पसल बगाएको छ ।’बगेका पसलमा किराना, तरकारी र फलफूल रहेको प्रहरीले बताएको छ । अझै १५ पसल बाढीको उच्चजोखिममा रहेका प्रहरी नायब उपरीक्षक चन्दले उल्लेख गरे ।
३० ओटाभन्दा बढी गाविसलाई जोड्ने मुख्य झोलुंगेपुल बगाउँदा सदरमुकाम–गाउँको सम्बन्ध टुटेको छ । बाढीले मानवीय क्षति भने नभएको प्रहरीले बताएको छ ।शुक्रबार बिहानदेखि परेको पानीका कारण बेलुकी आएको बाढी बजार क्षेत्रमा पसेको थियो ।
