विराटनगरमा आगामी श्रावण २९ गते देखि हुने विराट फुटसल कपको तयारी अन्तिम चरणमा पुगेकोे आयोजकहरुले जनाएका छन् । यस पटक हिट एण्ड हैंग आउट फुटसल र आवर विराटनगरको संयुक्त आयोजनामा हुने टुर्नामेन्टको पहिलो संस्करण हुन लागेको हो ।
विराटनगर ६ स्थित हिट एण्ड हैंग आउट फुटसलको मैदानमा हुने टुर्नामेन्टमा विराटनगर र वरिपरिका १६ वटा फुटसल समुहको सहभागिता रहने आयोजक मध्येका आशिष अग्रवालले बताउनु भयो । उहाँले विश्व भरि नै प्रख्यात भइरहेको आधुनिक खेल प्रविधि सहित खेलाइने फुटसलको क्रेज विराटनगरमा पनि बढ्दै गरेको अवस्थामा यस क्रममा अझ उतसाह थप्नका लागि टुर्नामेन्ट आयोजना गरिएको जानकारी दिनु भयो । नकआउट विधिबाट खेलाइने खेलमा मकालु टेलिभिजन, नेपाल टेलिकम कर्मचारीहरु लगायत थुप्रै समुहहरुले रजिष्ट्रेशन गरिसकेको टुर्नामेन्ट व्यवस्थापक सरोज लम्सालले बताउनु भयो । उहाँको अनुसार आगामी श्रावण १८ गतेसम्म मात्र थप समुहको रजिष्ट्रेशन लिइने बताउनु भयो । उहाँले प्रथम हुने टिमलाइ ट्रफि १५ हजार, दोश्रो हुने टिमलाइ १० हजार र सबै भन्दा बढि गोलकर्तालाइ रु ५ हजार प्रदान गरिने जानकारी दिनु भयो ।
