श्रावण १३, २०७३- धनकुटाको परेवादिन-५ को छिदुवा बजारनजिकै यात्रुबाहक बस दुर्घटना हुँदा ९ जनाको मृत्यु भएको छ । दुर्घटनामा डेढ दर्जन यात्रु घाइते भएका छन् ।
तेह्रथुपको बसन्तपुरबाट धरानतर्फ गइरहेको बा २ ख ३३६६ नम्बरको यात्रुबाहक बस छिदुवा बजारको चर्चनजिकै २ सय मिटर तल खसेको हो ।
घटनास्थलमा ९ जनाको शव फेला परेको घटनास्थलमा रहेका स्थानीय शिक्षक दीपेश खड्काले जानकारी दिए । घटनास्थलमा उद्दार कार्य जारी छ ।
दुर्घटनामा परी माओवादी केन्द्रका धनकुटा अध्यक्ष तथा पूर्व अर्थ राज्यमन्त्री हरिराज खेवा गम्भीर घाइते भएका छन् ।
घटनास्थलमा बाक्लो हुस्सु लागेको छ भने झरी परिरहेको छ ।
