संखुवासभा, भाद्र १३
प्रहरीले संखुवासभा सदरमुकामबाट शनिबार जुवा खेल्दै गरेका तीन जनालाई नियन्त्रणमा लिई कारवाही शुरु गरेको छ।
पक्राउ पर्नेमा भोजपुर नेपालडाँडा ४ घर भएका विनोद माझी, विराज कठेत र विनित थापा रहेका छन्।
भोजपुरबाट रुद्राक्ष खरिद विक्री गर्न आएका उनीहरु खाँदबारी नगरपालिका १ दुरसञ्चार डाँडास्थित सुनिल श्रेष्ठको घरमा जुवा खेल्दै गरेको अवस्थमा पक्राउ परेका हुन्।
प्रहरीले जुवाको खालबाट नगद दुई लाख दुई हजार विस रुपैया, ३ बुक तास र विभिन्न ब्राण्डका तीन वटा मोवाईल फोनसमेत बरामद गरेको छ।
