मोरङ, भाद्र २७
मोरङको तेतरीया चौकमा आइतबार विहान अन टेष्ट टिपरले ठक्कर दिएर एक पैदलयात्रीको मृत्यु भएको छ।
मृत्यु हुनेमा मोतीपुर-९ बस्ने २९ वर्षिय पिपरलाल माझी रहेको जिल्ला प्रहरी कार्यालय मोरङले जनाएको छ। माझीलाई आज विहान ११ बजे तेतरिया-९ मा उक्त टिपरले ठक्कर दिएको हो।
ठक्करबाट गम्भीर घाइते भएका माझीको न्युरो अस्पताल ल्याउनेक्रममा बाटैमा मृत्यु भएको छ।
ठक्कर दिने टिपरसहित चालक प्रहरीको नियन्त्रणमा रहेको छ भने मृतकको शव पोष्टमार्टमकालागी कोशी अंचल अस्पतालमा राखिएको छ।
