बिराटनगर असोज ६ , सुनसरीको बक्लौरीमा बुधबार सर्वसाधारणलाई तर्साउने उद्देश्यले राखेको शंकास्पद वस्तुलाई निस्क्रिय गरिएको छ।
बक्लौरी– ४ मा अस्थायी प्रहरी विट राख्ने तयारी गरिएको स्थानभन्दा केही नजिक शंकास्पद वस्तु फेला परेको थियो। उक्त वस्तुलाई सशस्त्र प्रहरीको पूर्व क्षेत्रीय बराहबाहिनी पकलीबाट गएको टोलीले निस्क्रिय गरेको हो। बिहान १० बजेतिर पानी परिरहेका बेला फेला परेको उक्त वस्तु दिउँसो १ बजे निस्क्रिय पारिएको हो।प्रहरीका अनुसार छ इन्च जतिका तीनवटा पाइपमा कालो टेपले बाधेर तार जोडेर राखिएको थियो। बम जस्तो देखिने उक्त शंकास्पद वस्तु राख्ने समूहको प्रहरीले खोजतलास थालेको छ।
