सुनसरी, कार्तिक ४
सुनसरीको धरानबाट प्रहरीले मंगलबार ठूलो परिमाणमा बिष्पोटक पदार्थ बनाउने सामानसहित एकजनालई पक्राउ गरेको छ।
पक्राउ पर्नेमा संखुवासभा जिल्लाको चेपुवा गाविस ६ घर भई सुनसरी धरान उपमहानगरपालिका १५ स्थित दुर्गा रिजालको घरमा डेरा गरी बस्ने ३८ वर्षिय ङिमा अन्दी भोटे रहेका छन्।
भोटेले कोठामा विष्फोटक पदार्थ लुकाई राखेको छ भन्ने विशेष सुचनाका आधारमा उनलाई इलाका प्रहरी कार्यालय धरानबाट खटिएको टोलीले पक्राउ गरेको हो।
भोटेको कोठाबाट गन्धक-६१ केजी, सोडा १०९ केजी, नौसागर–४१ केजी, समुन्द्र मन्थन १० केजी, निलोतुथो–६ केजी, रक्तचन्दन काठ ३ केजी तथआ नेपाली ६ हजार ९ सय ४० र भारु दुई हजार रुपैया बरामद भएको उक्त कार्यालयले जनाएको छ।
भोटेलाई बुधबार जिल्ला अदालत सुनसरीबाट विष्फोटक पदार्थ ऐन अन्तर्गत म्याद थप गरी अनुसन्धान भईरहेको छ।
