झापा, कात्तिक ७
झापाको शनिअर्जुन-१ गढीडाँडागाउमा शनिबार बाबुको हतियार प्रहारबाट छोरा गम्भिर घाइते भएका छन्।
स्थानीय ६३ बर्षिय धन प्रसाद माबो लिम्बुले आफ्नै छोरा वर्ष २३ बर्षिय भिम प्रसाद माबोलाई घरायसी वादविवादको कारण बेलुका ७ बजेतिर धारिलो हतियार प्रहार गरेका हुन्।
धारीलो हतियार प्रहारबाट घाइते भएका भिम प्रसादको मेची अंचल अस्पताल भद्रपुरमा उपचार भइरहेको छ भने हतियार प्रहार गर्ने उनका बाबुलाई प्रहरी चौकी शनिश्चरेले नियन्त्रणमा लिएको छ।
