जर्मनीका सर्वाधिक गोलकर्ता मिरोस्लाभ क्लोजले फुटबलबाट सन्यास लिएका छन् ।
बार्यन म्युनिखका पूर्व स्ट्राइकर क्लोजले सन् २०१४ मा आफ्नो देशलाई विश्वकप जिताएका थिए । र, १६ गोल गर्दै विश्वकप फुटबलको सर्वाधिक गोलकर्ताको कीर्तिमान समेत बनाए ।
उनले बार्यन म्युनिखबाट दुई पटक बुन्डेजलिगा जिते । तर, गत सिजन लाजिओ छाडेपछि क्लबबिहीन थिए ।
अब क्लोज जर्मनीको कोचिङ स्टाफ बन्नेछन् । उनलाई जर्मन टोलीका प्रशिक्षक जोचिम लोले बोलाइसकेका छन् ।
पोल्याण्डमा जन्मिएका क्लोलले जर्मनीबाट २००१ मा डेब्यू गरेका थिए । देशका लागि १३७ खेल खेलेका उनले २०१४ जुनमा गर्ड मुलुरको ६८ गोलको ४० वर्ष पुरानो रेकर्ड तोडेका थिए ।
