विराटनगर मङ्सिर १७ , लेटाङ-९ स्थित पब्लिक सेन्टर बोर्डिङ स्कुल र महाभारत माविमा अध्ययनरत जातेँ घर भएका हराइरहेका ४ विद्यार्थीलाई प्रहरीले अभिभावकको जिम्मा लगाएको छ । हराएका विद्यार्थीहरुमा १० वर्षका गणेश राई , ११ वर्षका विमल राई , ८ वर्षका शिशिर राई र ६ वर्षकी रिना लिम्बू स्कुुलबाट घर फर्किने क्रममा हराएका थिए । उनिहरु भाउन्नेको जंगलको बाटो हुदै महेन्द्र राजमार्गतर्फ जादै गर्दा प्रहरीले उनिहरुलाई फेला पारेको प्रहरीले बताएको छ । उनिहरुले लगाएको पोशाकको आधारमा उनिहरुलाई विद्यालयको सम्पर्कमा ल्याएर अभिभावकको जिम्मा लगाइएको हो ।
