मोरङ, मंसिर १७
मोरङको लेटाङ-भोगटेनी नगरपालिका ७ मा बिहिबार मोटरसाइकल दुर्घटनामा परी एक युवकको ज्यान गएको छ।
हिजो बिहान ०९:३० बजे लेटाङभोगटेनी-७ किर्तीमान भन्ने स्थानमा को १९ प ८२३३ नम्बरको मोटरसाइकल अनियन्त्रित भई दुर्घटना हुँदा मोटरसाइकलका चालक लेटाङ-भोगटेनी- ७ का अन्दाजी २१ वर्षिय दिनेश भट्टराईको उपचारकालागी लैजानेक्रममा मृत्यु भएको इलाका प्रहरी कार्यालय लेटाङले जनाएको छ।
दुर्घटनामा गम्भीर घाइते भएका चालकको उपचारकालागी न्युरो अस्पताल बिराटनगरतर्फ ल्याउनेक्रममा बाटैमा मृत्यु भएको हो।
मृतकको शव पोष्टमार्टमकलागी कोशी अंचल अस्पतालमा राखिएको उक्त कार्यालयले जनाएको छ।
