विराटनगर÷ विराट यूथ फुटबल एकेडेमि र डनवस्को बाल क्लबको सम्यूक्त आायोजनामा अन्तर स्कूल प्रथम सेभेन साइड पोखरीया फुटबल कप आज शुक्रबार भएको सेमिफाइन खेलमा जेम्स र मोर्डन एरा विजयी भइ फाइनलमा प्रवेश गरेको छ ।
पहिलो सेमिफाइनल खेलमा जेम्स स्कूलले डनवस्को स्कूललाई १–० को गोल अन्तरले पराजित गरी फाइनलमा प्रवेश गरेको छ । खेलको एक मात्र निर्णयक गोल जेम्सका रोशन कार्कीले गरेका थिए । खेलको म्यान अफ द म्याच जेम्सका निरज बस्नेत घोषित भए ।
दोस्रो सेमिफाइनल खेलमा मोर्डन एरा स्कूलले अर्पण स्कूललाई २–० गोल अन्तरले पराजित गरी फाइनल प्रवेश गरेको छ । मोर्डन एराका अजय भुजेल र सुदिप माझीले १–१ गोल गरे । खेलको म्यान अफ द म्याच अर्पणका सुजन भुजेल घोषित भए ।
फाइनल खेल शनिबार हुने छ ।
