विराटनगर फाल्गुन २८, विराटनगरमा कञ्चनपुर घटनाको विरोधमा भारतीय प्रधानमन्त्री नरेन्द्र मोदीको पुत्ला दहन गरिएको छ । युवा विद्यार्थीले विराटनगरको जनआन्दोलन चौकमा शुक्रबार दिउँसो भारतीय प्रधानमन्त्री मोदीको पुत्ला जलाएका थिए ।
भारतीय सुरक्षा बलले सिमामा नेपालीको हत्या गरेको विरोधमा विद्यार्थीले आक्रोस पोख्दै मोदीको पुत्ला जलाएका हुन । कञ्चनपुरमा नेपालीलाई गोली हानी हत्या गरेको विरोधमा एमाले निकट विद्यार्थी संगठन अनेरास्ववियूले मोदीको पुत्ला जलाएको एमाले युवा नेता वासिम आलमले आफ्नो फेसबुकमा तस्बिर पोस्ट गरेका छन् । यसै घटनाको विरोधमा बिराटनगर लगायत देशका विभिन्न ठाउँमा विरोध प्रदर्शन पनि भएका थिए ।
