माेरङकाे कटहरीमा भएकाे सासुबुहारी हत्याकाण्डकाे अझै सुराक फेला पर्न नसक्दा अभियुक्तकाे पहिचान प्रक्रिया जटिल बन्दै गएकाे माेरङ प्रहरीले बताएकाे छ । घटनाकाे अनुसन्धानमा प्रहरीकाे विशेष टाेली परिचालन भइरहेकाे छ ।
शुक्रबार दिउसै घरभित्र पसेर सासुबुहारीकाे गाेली हानी हत्या गरिएकाे घटनाबारे हालसम्म कुनै सुराक नभेटिएकाे माेरङ प्रहरीका एसपी सन्दिप भण्डारीलाइ उदृत गर्दै जनबिद्राेह दैनिकले अाजकाे अंकमा समाचार लेखेकाे छ । घटनामा कटहरी १ अादर्शनगरस्थित अाफ्नै घरमा सासु ४५ वर्षिय दिपा निराैला (डाँगा) र बुहारी २२ वर्षिय अस्मिता भट्टराइ (डाँगा)काे हत्या भएकाे थियाे ।
घटनाकाे प्रकृति हेरी शंकास्पद देखिएपछि शवकाे पाेष्टमार्टमका लागि विपि काेइराला स्वास्थ्य विज्ञान प्रतिष्ठान पठाइएकाे प्रहरीले बताएकाे छ । घटनामा मृतककाे अाफन्तकाे हात रहेकाे पनि हुन सक्ने तर प्रहरीकाे अनुसन्धानपछि मात्र यकिन भन्न सक्ने समाचारमा उल्लेख छ ।
मृतककाे छेउबाट २ लाख ८७ हजार रूपैयाँ समेत फेला परेकाले घटना थप संकास्पद बनेकाे छ । अनुसन्धानका लागि पुर्व क्षेत्रीय अनुसन्धान समुहकाे टाेली समेत परिचालन भएकाे छ । प्रहरीले अपराधी भाग्न नसकाेस् भनेर सबै नाका शिल गरेर घटनामा संलग्नकाे खाेजी भइरहेकाे छ ।
