माेरङकाे कटहरीमा भएकाे सासुबुहारी हत्याकाण्डकाे दाेषी अझै पत्ता लाग्न सकेकाे छैन । गत चैत्र ४ गते शुक्रबार दिउसै कटहरी १ अादर्शनगरस्थित घरभित्र पसेर सासु ४५ वर्षिय दिपा निराैला (डाँगा) र बुहारी २२ वर्षिय अस्मिता भट्टराइ (डाँगा)काे गाेली हानी हत्या भएकाे थियाे ।
घटनाकाे प्रकृति हेरी शंकास्पद देखिएपछि प्रहरी अनुसन्धानमा थप सक्रिय भएकाे थियाे । घटना के कारणले भएकाे र कसले गराएकाे हाे भन्ने अनुसन्धानपछि मात्र यकिन भन्न सक्ने प्रहरीले बताएकाे थियाे ।
अनुसन्धानका लागि पुर्व क्षेत्रीय अनुसन्धान समुहकाे टाेली समेत परिचालन भएकाे छ । प्रहरीले अपराधी भाग्न नसकाेस् भनेर सबै नाका शिल गरेर घटनामा संलग्नकाे खाेजी समेत गरेकेा थियाे । जिल्ला प्रहरी कार्यालय माेरङका एसपी सन्दिपराज भण्डारीले प्रहरीले घटनाकाे अनुसन्धान गरिरहेकाले रहस्य चाँडै बाहिर अाउने बताएका छन् ।
सासु बुहारीले लगाएका सुनका गहना र थाेरै मात्र नगद हराएकाले पनि घटना लुटपाट कै लागि भएकाे भन्नेमा प्रहरी विश्वस्त छैन भनी अाजकाे जनविद्राेह दैनिकले समाचार लेखेकाे छ । मृतककाे छेउबाट २ लाख ८७ हजार रूपैयाँ समेत फेला परेकाे थियाे ।
डाँगा परिवारले हत्यारा चाँडाे पत्ता लगाइ अाफुलाइ न्याय दिन प्रहरीलाइ अनुराेध गरेकाे छ । डाँगा परिवारका बुवा छाेरा नै हाल अाफ्ना पत्नीहरूकेा अाशाैच बसिरहेका छन् ।
