बिबेक दाहाल
बिराटनगर चैत २९,
धनगढीमा जारी धनगढी प्रिमियर लिग अन्तरगत आज बिराटनगर किङस् क्रिकेट क्लबले धनगढी चौरह क्रिकेट क्लबलाइ २३ रनले हराएको छ । डिपिएलको पहिलो खेल खेलेको बिराटनगरले निर्धारित २० ओभरमा ६ विकेट गुमाएर १३४ रन बनाएको थियो । बिराटनगरका लागि कप्तान शरद भेषावकरले ३२ बलमा ४६ रन बनाएका थिए । धनगढीका लागि ललित राजबंशीले सर्वाधिक २ विकेट लिएका थिए । १३५ रनको लक्ष्य पाएको धनगढी २० ओभरमा १११ रनमा सिमित भयो । धनगडीका लागि अमर सिंह रौतेलाले सर्वाधिक २६ रन बनाए भने बिराटनगरबाट कप्तान शरद भेषावकर र सुशील कडेलले समान ३-३ विकेट लिएका थिए। खेलको म्यान अफ दि म्याच कप्तान शरद भेषावकर भएका छन् ।
