विराटनगर साउन १५ , संसारमै सबैभन्दा तेज दिमाग भनेर चिनिएका गिनिज बुक अफ वर्ल्ड रेकर्डमा नाम लेखाउन सफल अर्पण शर्मा कट्टेलको कार्यशाला विराटनगरमा हुने भएको छ । व्यवसायी मनोज गौतमले उनलाई विराटनगरमा कार्यशालाको निम्ति ल्याउन लागेका हुन । कार्यशाला यहि साउन २० र २१ गते विराटनगरको बिरेन्द्र सभागृहमा हुनेछ । कार्यशालामा अर्पणले मेमोरी पावर बढाउने तरीका तथा अन्य दिमागलाई तेज बनाउने तरिका बारे जानकारी दिने आयोजकले बताएको छ । कार्यक्रममा सहभागी हुन ५ सय रुपैयाँ प्रवेश शुल्क राखिएको छ । कार्यक्रमको सह-आयोजकको रुपमा आइसिएस विराटनगर र ओबि मिडिया प्रालि रहेका छन् ।
